Heute Nachmittag (11.09.2015) waren Carmen, Roman & Jacqueline in der Tötung und konnten diesen Engel retten. Wir sind überglücklich. Er hat die Erstversorgung erhalten und darf nun erst einmal ankommen.

Herzlich Willkommen in der Parenas Familie, Süsser!

Hier einige Stichwörter zu Jero:
- menschenbezogen
- verspielt
- neugierig
- verschmust

Jero im neuen Zuhause...

Jero möchte uns und euch noch einen Gute Nacht kuschel Gruss senden ❤

Hola zäme
am Wucheänd ha i ändlech i mis nöie Daheime dörfe gah, d`Reis isch schampaar läng gsi, aber i ha ja gwüsst das i freudig erwartet wirde:-) mis neue Mami het scho im Outo gfunde i sig e Schmuusicheib, ha haut ganz fescht dr Chopf müess a ihrne Finger ribe u de ha i de o no afe Schnürrele. Daheime acho si da o miner 2 grosse Brüetsche gsi, dr eint sig schiins o e Spanier u chäm vom gliche Ort wie i u dr anger isch e Schwiizer, ja, das merkt me, dr Schwizer, Bueb heisst er, isch doch no grad chli zrügghautend während dr Spanier, dr Balu, rächt schnäu uftouet isch u mir itz scho veiechli zäme chöi spiele, schlegle u o zäme chöi pfuuse. Dr Bueb isch aber sehr interessiert u das chunnt de o no. Ds Mami het mr verzeut bim Balu sig das o so gsi. Im nöie Daheime hets ganz viu Plätzli zum lige, cha mi aube chum entscheide wos itz am bequemschte isch. Was ono ganz cool isch, es het so e 2ti Äbini u i has o scho dert ufe gschafft u mittlerwile chume i o ume abe. Eifach bi dere cheibe Technik chume i nid so drus.. Haarfön? Dampfabzugshube? Dr Stoubsugerroboter.. komischi Sache hets hie ume.. He no, d`houptsach isch das i geng guet ds Frässe bechume u u fescht darf ga schmüsele, das isch nähmlech ds gröschte für mi, ds Mami seit i sig es Motörli..